– حديقة الزوراء الخاصة هي خاصة بالتصوير بس مابيها برايفسي (خصوصية) .
– المدخل مالتها بسموه باب الوزير صاير من جهة دخولية الخضراء وجوه مجسر ١٤ تموز .
– الحديقة خاصة بالتصوير ف غالبا تكون لود ومليانه مصورات ومصورين وطبعا الدخول الها لازم يكون بالاتفاق وية مصور وميصير اي احد يدخل
– وبعد زوراء ف اكيد حلوة والوقت مال تصوير يفضل بعد الساعة ١ بالشتة اما بالصيف يعني شهر الخامس نصه الى التاسع ما اصور بيها لان حارة والشمس تكون قوية والاشجار تكون محروكه بسبب الشمس القوية .
– ترهم لكل الجلسات وحتى ممكن تتفقون وية المسؤول عن المكان وتخلون كوشة ديكور وية جلسة العرس او عيدالميلاد .
– اذا جنتي محجبة وبالعرس تنزعين الحجاب ف ضروري تبلغين زوجج ويكون موافق لان الزوراء مابيها خصوصية للمحجبات .
– الحديقة متحتاج منكم حجز و اني ارتب وية المكان حتى يدخلوكم بيومها.
– الاعراس تدخل سيارة وحدة فقط ، وهي سيارة العرسان اي سيارة غيرها تبقة بالكراج .
– بالنسبة للاسعار مال حديقة ٥٠ الف للاعراس و١٠ الاف للطالب لجلسة التخرج ، و ٣٥ الف باقي الجلسات .