(طريقة الحجز بالتفصيل الى حين استلام الصور )

– اول متدخلون عالموقع يطلعلكم الاختيار ” شنو مناسبتج ” تضغطون عليه وتطلعلكم كل انواع الجلسات المتوفرة  .

– تضغطون عالجلسة الي عاجبتكم فرضا ” راح انخطب ” تطلعلكم صفحة تتضمن العروض وكلام حلو الكم لازم تقرو  .

– ومن تريدون تثبتون الحجز ف تضغطون على ” تثبيت الحجز “

رح تطلعلكم مثل الخطوات تبدوها بالترتيب ، اول شي تختارون العرض وثاني خطوة المكان (كل مكان وياه اجوره الي رح تنضاف للجلسة)

– الخطوة الثالثة هي التاريخ والوقت ، رح يطلعلكم بشكل كالندر وتحددون التاريخ ، بعدها تطلع الاوقات الي متوفرة وتكدرون تختارون الي يناسبكم .

– بالنسبة للاوقات الي رح تطلعلكم ( احتمال تكون متوفرة او احتمال احد مختارها بس بعدني مشايفة الحجز مالته ، او حاجزين بس بعدهم مدافعين عربون ، او الوقت يتعارض وية دوامي )

– بكل الحالات انتو اليوم والوقت الي تشوفو ممحجوز دخلو وثبتو حجز

– بعد ما تختارون وقت وتاريخ حتطلعلكم القائمة تملوها كلها وتقرون الشروط قبل التثبيت .

– بعد ما تثبتون عالموقع ، تنتضرون رسالة مني تقريبا خلال يومين او ٣ وحسب لود الحجوزات ، بعد هذا الوقت اذا موصلكم مسج مني عالواتس معناها ميرهم الحجز ، لهذا ضروري من تملون المسج تحطون تاريخ ثاني ، حتى اذا مرهملكم حجز عالتاريخ الاول ف ارهملكم عالتاريخ الاحتياط.

– قيمة العربون هو نصف مبلغ الجلسة (50% من سعر الجلسة) .

– بعد ما يوصلكم مسج مني عالواتس ( عن طريق ادمن) تبلغكم بكل المعلومات والعربون : يتم حساب وثم التثبيت المؤقت خلال ٢٤ ساعة ، بهذا الوقت يجيكم مندوب او تدفعون عن طريق زين كاش ،

– في حال الحجز متثبت بعربون ف يلغى التثبيت المؤقت والحجز يروح لغير شخص .

– في حال اتثبت الحجز بعربون ف رح يتثبت الحجز بالموقع ويصير اليوم والوقت المختاري محجوز الكم .

– في حال تأجيل موعد جلسة او الغاء جلسة ف يخسر الزبون العربون .

– باقي المبلغ يدفع بيوم الجلسة .

– الصور توصلكم عالتلكرام بدقة عالية خلال اسبوع من الجلسة .

– اختيار الصور عن طريق ربلي او فورورد للصورة او كتابة اسم الصورة كامل ، عدا هذا ميحتسب .

– تسليم الصور بعد 3 اشهر من تاريخ اختيار الصور وليس من تاريخ الجلسة .

– ممكن تنضاف صور او البوم للجلسة والاتفاق على تلكرام فقط .

– الصور توصل عن طريق شركة توصيل واجور التوصيل حسب المنطقة والمحافظة.

– في حال قبول نشر صور ف تبلغوني قبل الجلسة حتى نحظر شغلات سوة ، وتكون اكو هدية تستلموها وية استلام الصور .

-واتمنى كلشي يكون سلس ومفهوم  ، شكرا لحبكم وثقتكم.