– مبروك حبيبي وان شاء الله كلشي يتم على خير
– هالحفلة من ابسط واريح الحفلات ، تكون مراسيمها بسيطة ولطيفة واهم شي تكونون متعودين على بعض ومشاعر قوية لان العرس قريب 
– اي شي تختاري لهاليوم حيكون حلو ، سواء ثيم عراقي لو تركي او هندي ف لتتوترين ابد 
– من ناحيتي وبما انه اختاريتيني ف اتطمني لان حخلي هذا اليوم احلى يوم بذكرياتكم 
– رح اخليكم تكونون مرتاحين بالجلسة وما اقيدكم ، وبنفس الوقت رح ارتب كلشي بحيث يصير مثل ما تريدين واحلى 
– رح اكون صديقتج واختج طول الفترة ف لتستحين تطلبين مني اي شي و رح اساعد بكلشي اكدر عليه 
– و اهتمامي بيج حيستمر ليوم استلام صورج وحتى بعدها اذا تحتاجين اي شي كوليلي 
– رح اصور كل مشاعركم وحبكم والنظرات الي تصير بيناتكم واللمعة الي بعيونكم 
– ومن اليوم الي تثبتين بي لحد يوم الحفلة ، رح اكون موجودة يمج وأي شي تحتاجي كتبيلي واعتبريني طبيبتج النفسية مو بس مصورتج 
– ماريد زعل او عركه قبل الحفلة او بيوم الحفلة لان رح يبين عليكم وحرامات تعيشون هاليوم بهيج مشاعر ف اريد ضحكتج مرسومه على وجهج 
– راسليني قبل الحفلة بيوم حتى نرتب المراسيم واذا ببالج شي معين كتبيلي 
– اوعدج حيكون هاليوم استثنائي والكل يحجي بجمالكم