![](https://athraaphotography.com/wp-content/uploads/2023/08/30-4-scaled.jpg)
-السعر 250 الف.
-السعر 200 الف.
![](https://athraaphotography.com/wp-content/uploads/2023/08/4-4-scaled.jpg)
– مبروك مقدما حبيبي وان شاء الله كلشي يتم على خير
– اذا بعقدج جنتو مماخذين راحتكم او محجزتي مصورة ف هالجلسة هي تعويضية الج ف ماريدج تتوتريت او تقلقين
– من ناحيتي وبما انه اختاريتيني ف اتطمني لان حخلي هذا اليوم احلى يوم بذكرياتكم
– رح اخليكم تكونون مرتاحين بالجلسة وما اقيدكم ، وبنفس الوقت رح ارتب كلشي بحيث يصير مثل ما تريدين واحلى
– رح اكون صديقتج واختج طول الفترة ف لتستحين تطلبين مني اي شي و رح اساعد بكلشي اكدر عليه
– و اهتمامي بيج حيستمر ليوم استلام صورج وحتى بعدها اذا تحتاجين اي شي كوليلي
– رح اصور كل مشاعركم وحبكم والنظرات الي تصير بيناتكم واللمعة الي بعيونكم
– ومن اليوم الي تثبتين بي لحد يوم الجلسة ، رح اكون موجودة يمج وأي شي تحتاجي كتبيلي واعتبريني طبيبتج النفسية مو بس مصورتج
– ماريد زعل او عركه قبل الجلسة او بيوم الجلسة لان رح يبين عليكم ف اريد ضحكتج مرسومه على وجهج
– ضروري اذا انتي محجبة ومحتلبسين حجاب بالجلسة ف تكولين لخطيبج هالموضوع وعلى مكان التصوير لان مو كل الاماكن برايفت ف حتى ليضوج ويتوتر ومياخذ راحته بالتصوير
– اوعدج حيكون هاليوم استثنائي والكل يحجي بجمالكم